Rusio malakceptas riskon de epidemio post la morto de laboratoriisto pro pesto

Rusio diris merkrede (7), ke ne ekzistas “epidemia risko” en Siberio post la morto de dungito ĉe pest-esplorinstituto. Mongolio, tamen, ordonis pliigitan gvatadon, dum pluraj landoj postulis pli da travidebleco de Moskvo.

Lastan semajnon, la rusa novaĵagentejo People of Baikal raportis pri la morto de 28-jaraĝa virino, kiu laboris en la laboratorio de la instituto en Irkutsk. Laŭ la publikaĵo, ŝi infektiĝis post rompado de provtubo.

La Monda Organizaĵo pri Sano (MOS) kaj landoj de la Eŭropa Unio alvokis Rusion esti travidebla pri la kazo.

Du komitatoj de fakuloj pri biologia sekureco konkludis, ke “neniu kriza situacio rilata al la manipulado de patogenaj mikroorganismoj estis trovita”, aldonis la agentejo.