Liberlando, nerekonata mikronacio ricevanta milojn da civitanecaj petoj

Pli ol 800 000 homoj petis civitanecon al mem-proklamita kriptovaluta mikronacio nomata Liberlando, kiu, laŭ ĝia fondinto, situas en ŝlima inundebenaĵo laŭlonge de la rivero Danubo.

La neloĝata sep-kvadratkilometra teritorio ĉe la limo inter Serbio kaj Kroatio estis fondita de la ĉeĥa libertariana politikisto Vit Jedlicka, kiu postulis la areon en 2015. La fondinto postulis la areon kiel terra nullius (nenieslando) pro limdisputo daŭranta ekde la disfalo de la antaŭa Jugoslavio.

La nova lando estis fondita kun la celo krei liberecanan ŝtaton bazitan sur blokĉena teknologio la sama teknologio, kiu subtenas kriptovalutojn — kiu funkcius kiel ia rifuĝejo por miliarduloj en la kripto-aktiva sektoro. Ĝia moto estas “Vivu kaj lasu vivi.”

Allogitaj de la manko de impostoj kaj registaraj reguligoj, 804 000 homoj volas fariĝi civitanoj de Liberlando, malkaŝis la ĉeĥo.

La mikronacio, kiu jam havas ĉirkaŭ 1 200 civitanojn, havas sian propran oficialan lingvon (liberlandan lingvon), okazigos parlamentajn elektojn poste ĉi-monate, kaj havas siajn proprajn pasportojn kaj eĉ sian propran mararmeon, nomatan Libereco.